നേരം പുലര്‍ന്നെന്നു തോന്നുന്നു, ഞാന്‍ പതുക്കെ പുറത്തേക്കിറങ്ങി. വീട്ടില്‍ വാച്ചോ ക്ലോകോ ഇല്ല, എന്നിരുന്നാലും മുറ്റത്തിറങ്ങി നിന്നാല്‍ സ്കൂള്‍ കുട്ടികളുടെയും, ജോലിക്ക് പോകുന്നവരേയും കണ്ടു നിന്നാല്‍ കൃത്യം എത്ര സമയം ആയി എന്ന് മനസ്സിലാവും. ചെല്ലപ്പനാശാരി ആണ് അവസാനമായി ഈ ഇടവഴിയിലുടെ പോകാറു, അപ്പോള്‍ സമയം ഒമ്പത് മണി ആയിട്ടുണ്ടാവും. അത് ഴിഞ്ഞിട്ടാണ് എന്റെ കുളിക്കാനായുള്ള യാത്ര. പതിവ് പോലെ ഞാന്‍ മുന്‍വശത്തുള്ള ചെറിയ ഗേറ്റില്‍ ചാരി വഴി പോക്കരെ കണ്ടു നില്‍ക്കുകയായിരുന്നു.
